Die verhaal van Jakob en Esau is soos ’n treinongeluk en dit voel of dit meer geskik is vir ’n geselsprogram op televisie as in die boek Genesis. Maar hier is ons.

Genesis 28:3-4 vertel dat Isak die verbondseën aan sy jongste seun, Jakob, oorgedra het: “God die Almagtige sal jou seën: Hy sal jou vrugbaar maak en jou ’n groot nageslag gee. Jy sal ’n baie groot volk word. Hy sal jou die seën laat toekom wat Hy aan Abraham gegee het: jy en jou nageslag sal die land waarin jy woon, as besitting ontvang, die land wat God aan Abraham gegee het.”

Ons het vroeër hierdie week die besonderhede van die komplot en die bedrog bestudeer, maar elkeen van die mense wat by hierdie gemors betrokke was – Isak, Rebekka, Esau en Jakob – het foute langs die pad begaan. God het voorspel dat “die oudste sal die jongste dien” in Genesis 25: 23 toe Rebekka vra waarom die kinders in haar binneste worstel. Tog het vlees en begunstiging hierdie lewens gekenmerk: Isak begunstig Esau, Rebekka begunstig Jakob, Esau verag sy eersgeboortereg, Isak beplan om sy seën aan Esau oor te dra, Rebekka en Jakob mislei Isak om die seën te steel.

Maar: God is soewerein. Altyd.

Hy het (weereens) onvolmaakte mense gebruik om te bereik wat Hy nog altyd beplan het om te laat gebeur. Ons het herhaaldelik verhale gesien van God wat getroue, maar onvolmaakte mense gebruik. God heg waarde aan hulle geloof bo hul volmaaktheid.

Wat het ons nog meer van God geleer tydens ons studie?

God is betroubaar. In verwysing na Abraham wat geglo het dat God vir hom en Sara ’n seun op hulle oudag sou gee, sê Hebreërs 11:11, “Omdat Abraham geglo het, het hy, hoewel Sara onvrugbaar was en hy al te oud, krag ontvang om ’n kind te verwek, omdat hy God wat dit beloof het, getrou geag het.”

God kan vertrou word. Dit kan weliswaar moeilik wees in moeilike situasies. Waarom is daar kanker? Waarom val huwelike om ons uitmekaar? Waarom het daardie trauma gebeur? Hoekom, hoekom, hoekom? Ons het almal vrae sonder maklike antwoorde.

Om eerlik te wees, hou ek van onmiddelike antwoorde. Ek hou daarvan om voor die tyd te weet wat die plan is. En om die waarheid te sê, ek hou daarvan om die plan te maak en dit deur te voer. Dit is waarskynlik geen verrassing vir jou dat dit nie is hoe God werk nie.

Sy antwoorde is nie altyd vinnig of maklik nie.

Sy planne is nie altyd van die begin af vir ons duidelik nie, of selfs nie eers langs die kronkelende weg nie.

Sy planne werk nie altyd uit soos ons dit wil hê nie.

Sy beloftes aan ons word nie altyd ten volle vervul in ons leeftyd nie.

Beteken dit dat Hy nie goed is nie? Nee, glad nie. Hy bly goed, soewerein en betroubaar. Hy sien dit alles op ’n manier wat ons nie kan nie, en Hy vervul altyd sy beloftes.